nâi a que cein que y'é pèsu que l'è à mè por todzo
|
nâi a que clli que n'a min d'atteinta qu'è veretâblyameint libro
|
nâi a que lè moo qu'ant lo drâi de perdounâ et lè viveint n'ant pas lo drâi d'âoblyâ
|
nâi a qu'onna tsoûsa que sè branque eintre on hommo et cein que dèsire de la vià, et l'è prâo soveint reiu que la volontâ de coudyî et la fooce de crâire que cein l'è possiblyo
|
ne faut jamé dzudzî on lâivro su lo film que l'ein ant terî
|
nettèyî voûtra carrâïe dèvant que lè boute l'aussant botsî de crêtre, l'è quemet dènèvâi la tserrâire dèvant que botse de nèvâi
|
nion dèvetrâi possèdâ mé que cein que faut po vivre, lo résto, l'è lo drâi de l'ètà
|
nion mè pigne bin quemet l'oûra
|
nion ne consurte on dicchounéro dèvant de dèvesâ
|
nion ne dèvese dâi qualitâ catchè dâi z'autrè dzein
|
nion ne fa mé de mau que clliâo que corzant pertot po fére lo bin
|
nion ne manque d'onna bouna réson po sè fotre bas
|
nion ne merite tè lermè et clli que lè merite tè farâ djamè plyorâ
|
nion ne pâo châotâ à cabelyon su voûtra rîta se la vo plyèyîde pas
|
nion ne pâo cougnâitre sa leinga à tsavon et dâo mîmo coup ein mâitrèyî onn'autra
|
nion ne pâo gagnî sein qu'on autro pèse
|
nion ne pâo grantein montrâ on vesâdzo po li mîmo et on autro po lè dzein sein ein arrevâ à la fin dâi fin à pllie rein mé savâi lo quin è lo veretâblyo
|
nion ne pâo vo fére vo recheintre pllie bas sein voûtron accoo
|
nion ne sâ yô la moo t'attein; adan, tè faut l'atteindre pertot
|
nion ne vein la terra yô son peuplyo camine (Tsevau Toquâ)
|
nion ne vouâite djamé cein que l'a z'u ètâ fé, ne vâyant que cein que reste à fére
|
nion n'a lo drâi d'ître hirâo tot solet
|
nion n'è tant dzouveno que ne pouésse mourî vouâi
|
nion n'è tant vîlyo que n'ousâi pas espèrâ on dzo de pllie
|
no crâyein ître on payî et la veretâ, l'è que no sein tot djusto on payîsâdzo
|
no dussein lière, na pas por âoblyâ noûtra vià de tî lè dzo, mâ bin pllietoû por repreindre noûtra proupra vià d'onna man ferma et d'onna manâre pllieinna de concheince et de
|
no faut ître modesto et, dâo mîmo coup, no rassovenî que lè z'autro sant mein que no
|
no faut no maufiâ dâi novitâ de trâo, surtot quand sant résenâblye
|
no faut no reingâ avoué lo leingâdzo, po pas que no z'impousèye sè formè et sè moudè, sè parolè tote féte, tot cein que l'è tant bin la marqua d'on croûyo gratta-papâi
|
no faut no z'einretsî avoué noûtrè differeince
|
no faut retsertsî la pé avoué dâi moyan plliein de pé
|
no ne crâyein que cein que no vâyein. L'è po cein que no crâyein tot cein que la télévijon no bâlye
|
no ne savein pas cein que no z'arreve: l'è cein que no z'arreve
|
no ne sein pas cein que no sein damachein cein que no z'ècrîsein, mâ damachein cein que no lyèsein
|
no no compregnein mî quand no dèvesein dâi leinguè differeintè
|
no no rassovenein pas dâi dzo, mâ dâi vouerbettè
|
no n'ein rein à redoutâ que la pouâire li-mîma
|
no n'habitein pas on payî, no z'habitein 'na leinga
|
no pouein pas dècrètâ permet lo traffi dâi croûye drougue pè 'nna lâi, lâi a trâo de ferrette lé-dededein
|
no pouein tot perdounâ âo veintiémo siéclo, mîmameint lè dûvè guierrè mondialè et stâosse que lâo z'ant chévu, lè dèfilâ de moûda et lè corsè dâi formulè ion, na pas d'avâi sacrefiyî lo cinèma por la tèlèvijon
|
no pouein vivre avoué cein que no reçâivein; no vivein avoué cein que no balyein
|
no savein que qauqu'on pâo à la veillâ, lière Goethe âo Rilke, djuvî dâo Bach âo dâo Schubert, pu, lo leindèman s'ein allâ fére son travau de tî lè dzo, pè Auschwitz
|
no savein, pé noûtr'èducachon que no sein totalameint et frésâblyameint liettâ à la "terra vîva" et sti savâi l'è l'utî principà po fére avancî la djustice, mantenî la vià et rènovâ lo traffi
|
no sein cein que no fasein ein lo rèpèteint adî
|
no sein cein que no fasein por tsandzî cein que no sein
|
no sein cein que no preteindein ître, adan no faut no bin tsouyî à cein que no preteindein ître
|
no sein lo rassovenî que no z'ein de no-mîmo, lo musé dâi forme adî tsandzeintè de noûtr'èmaginachon, sti tsiron de mèriâo bresî
|
no sein prâo châ einguiénâ pè cein que no z'amein
|
no sein su on train que va à trâi ceint kilomètro à l'hâora,, que no savein pas yô no meinne, et lo pî de tot, l'è que no vegnein de no z'apèçâidre que lâi a nion po lo guidâ
|
no sein tessî du la mîma matâire que lè révo
|
no sein trétî condanâ à ître eincllioû mare solet dein noûtra pî por la vià!
|
no sein trétî dâi z'amateu. La vià l'è trâo corta po que no pouéssein ître autra tsoûsa
|
no sein trétî de la mîma vegnâte; no sein tréti lè fe de l'èvoluchon dâo mondo, de l'èvoluchon dâi z'ètâile et adan, no sein à dèbon trétî frâre
|
no sein trétî d'obedzî, po pouâi supportâ la rèalitâ, d'eintretenî ein no quauque petioute folèrâïe
|
no sein trétî portâ à no dzudzî no-mîmo d'aprî noûtron idéà; et lè z'autro d'aprî lâo z'acchon
|
no sein trétî rèsegnî à la moo; l'è à la vià que no sein pas rèsegnî
|
no sein trétî z'u betâ âo mondo prince et l'avancemeint de la civilisachon no z'a tsandzî ein bò
|
no travalyein por gagnî noûtron lesî
|
no vâyein pas lè tsoûsè quemet sant, mâ quemet no sein
|
no vivein dominâ pè dâi poussâie dâo nivô de tot ein avau quemet lâi a cinquanta mille annâie
|
no z'a pas falyu grand tein por âoblyâ lo tein que no îran dâi dzein vegnâite du l'ètreindzî
|
no z'ant einsègnî que cein que l'è bî n'a pas fauta d'ître utilo, et que cein que l'è utilo pâo pas ître bî. Vo vu montrâ que cein que l^è utilo pâo assebin
|
no z'âoblyein prâo facilameint noûtrè cavelye que no sein solet à cougnâitre
|
no z'ein fauta de grand, grand tein po venî dzouveno
|
no z'ein mondialisâ lo circo, mâ pas lo pan
|
no z'ein tant de tsoûse ein common avoué lè z'American, exceptâ, bin sû, la leinga
|
no z'ein tot djusto prâo religïon po no dègognî, mâ pas prâo po no z'amâ
|
no z'ein trétî prâo fooce ein no po supportâ lè malapanâïe dè z'autro
|
nonanta por ceint dâi politicâre fant 'na croûye rèputachon âi z'autro dyi por ceint
|
nonante-nâo po ceint d'onna "céeachon" è imitachon d'on sondzo âo d'onna peinsâïe. No sein dâi lâro, no z'ein ein, mé âobin mein concheince
|
noûtra cabossa fâ pas rein que no balyî mé d'ècheint, mâ pè malheu, no fâ assebin pllie dandzerâo
|
noûtra manâire de fére dâo traffi âo dzo de vouâi l'è 'na matsena que travaille pertot dein lo mondo, que destruit lè z'adzî et fabreque dâi mellion de pèseint que nion ne sâ cein que faut ein fére
|
noûtra natoûra l'è de budzî; lo repoû complliet, l'è la moo
|
noûtrè bordzâi, que sè conteintant pas d'avâi à lâo pî lè fènnè et lè felyè dâi poûro z'ovrâi, sein parlâ de la putasserî publica, l'ant on tot grand plliésî à teintâ lè fènnè lè z'on dâi z'autro
|
noûtrè cheint no trompant pas, mâ bin noûtron dzudzemeint
|
noûtrè rassovenî sant dâi papâi consurtâ et rebetâ ein dèsoodre dein lâo cagnâ pè dâi z'autoritâ que no ne controlein pas
|
noutrè vià botsant quand no no caisein su lè z’affére yô lâi a veretâblyameint matâre
|
n'âi a min de bouîbo illègitime, mâ rein que dâi pareint illègitime
|
n'âi a ne croûye z'erbe, ne croûye dzein, rein que dâi croûyo payisan
|
n'âi a que cein que sè pâye pas que cote
|
n'âi a que lè batalyè contro lè fènnè que te pâo gagnî ein fireint
|
n'âi a que lè bravo qoe savant perdounâ. On pouâirâo, djamé - n'è pas sa natoûra
|
n'âi a que lè taborniau que n'ant jamé de doto. -Ein îte-vo sû ? - N'âi a min de doto
|
n'âi a qu'onna benhirâosa crapenisse, clliaque dâi parolè
|
n'âi a qu'onna dzein bin maulhirâosa que l'a lo drâi d'avâi pedyî d'onn'autra
|
n'âi a qu'onna guierra qu'è permessa à l'humanitâ, l'è la guierra contro sa proûpra disparechon
|
n'âi a qu'onna tsoûsa que compte quand no no z'ein allein, l'è la trace d'amoû que no lâissein derrâi no
|
n'ant pas oncora comprâ que l'è ein sè galeint, ein s'einclliameint et ein riseint que te pâo aveintâ on veretâblyo dèveloppemeint de civilisachon
|
n'atteindo djamé d'on sordâ que mousèye
|
n'aussî jamé regret po cein que vo mousâde dè voûtra fènna; li, vo dèpasse grantameint, ein pî
|
n'é djamé mousâ ein ècriveint, mè rapproutsî dâo peuplyo. Po dèvesâ fran, n'é djamé mousâ mè rapproutsî de co que sâi
|
n'é djamé permet à l'ècoûla de sè mèclliâ de mon èducachon
|
n'è pas justo que sâi rein que dein lè preson que la droûga pouésse circulâ librameint
|
n'è pas la batalye que no dobedze à ître dâi z'artiste, l'è l'ar que no tsampe vè la batalye
|
n'è pas la libertâ que fâ fauta, mâ bin lè z'hommo libro
|
n'è pas la meillâora tsoûsa por l'hommo d'avâi tot cein que dèsire
|
n'è pas la politica qu'einfatte dein lo mîmo lyî d'ètreindzo camerârdo, mâ bin lo mariâdzo
|
n'è pas la vià que t'allondze, l'è la vîlyondze
|
n'é pas lo moyan de pèdre mon tein à fére de l'erdzeint
|
n'è pas on affére à escandalisâ lo mondo que quauque dzein de bantse finessant ein preson. L'escandale, l'è que lâi ein ausse ein libertâ
|
n'è pas pè lè sat âo lè settanta-sat ballè tsoûse que te lâi vâi qu'onna vela te rèdzoye, mâ pè lè reponse que balye à tè quiestion
|
n'è qu'âi doû bet de l'ètsîla de la sociètâ que te recougnâi dâi râi
|
n'è-te pas 'na mourguerî qu'on eindrâi appelâ "Terra santa" sâi lo cârro de la rogne la pllie sauvâdze et la pllie prèvonda que l'è su sta planèta
|
