• about logos
• logos dictionary
• bilingual dictionaries
• children's dictionary
• fashion dictionary
• volunteers
• logos conjugator
• learning conjugator
• logos library
• logos poetry
• children's library
• logos quotes
• logos toolbars
• translation course
• help

a â b c d e f g h i l m n o p r s t u w y

economi'r byd yw'r mynegiant mwyaf effeithlon o droseddu cyfundrefnol. Mae'r cyrff rhyngwladol sy'n rheoli arian, masnach ac arferion credyd yn ymddwyn fel brawychwyr rhyngwladol yn erbyn gwledydd tlawd, ac yn erbyn tlodion pob gwlad. Gwnânt hynny â phroffesiynoldeb dideimlad a fyddai'n peri i'r terfysgwyr-fomwyr gorau gochi Eduardo Galeano

edifarhau ac yna ailgychwyn, o'r dechrau - dyna beth yw bywyd Victor Cherbuliez

edifeirwch yw bod yn gwbl benderfynol i beidio â gadael olion y tro nesaf Marcel Achard

edrychaf ar yr holl diroedd fel pe baent yn eiddo i mi, ac edrychaf ar fy holl diroedd i fel pe baent yn eiddo i arall Lucius Annaeus Seneca

efallai mai drych sy'n ystumio yw iaith, ond dyna'r unig ddrych sydd gennym Michael Dummett

efallai mai gwyddor sydd wedi diflannu o bob man yn y byd yw etheg. Nid oes gwahaniaeth; bydd yn rhaid inni ei hailddyfeisio Jorge Luis Borges

efallai mai marw yw'r rhan orau o fywyd Carlos Silva

efallai mai uffern rhyw blaned arall yw'r byd hwn Aldous Huxley

efallai mai'r economi newydd yw'r rhithlun mwyaf a daflunwyd erioed ar y blaned: marchnad nad yw'n bod i anghenion nad ydynt yn bod Giorgio Bocca

efelychu a wna beirdd anaeddfed. Dwyn a wna beirdd aeddfed Thomas Stearns Eliot

egina'r canlyniad o'r dull, fel yr egina'r goeden o'r hedyn Mohandas Karamchad Gandhi

eglurder yw cwrteisi'r athronydd José Ortega y Gasset

egwyddor addysg yw pregethu drwy fod yn siampl Anne-Robert-Jacques Turgot

ei dynged ef, fel tynged pawb, fu byw drwy gyfnodau o gyni Jorge Luis Borges

ei pherchnogion biau'r Ddaear, ond y rhai sy'n medru ei werthfawrogi biau'r tirlun Upton Sinclair

eich amau eich hun yw'r arwydd cyntaf o ddeallusrwydd Ugo Ojetti

ein brwydr galetaf yw'r un yn ein herbyn ni'n hunain, ond y fuddugoliaeth sy'n rhoi'r boddhad mwyaf yw'r un drosom ein hunain Friedrich von Logau

ein camp fawr a gogoneddus yw byw fel y dylem. Ar y gorau, nid yw pob dim arall, megis rheoli, casglu cyfoeth ac adeiladu, ond yn fân ategolion ac yn gynheiliaid Michel de Montaigne

ein cof ein hunain ydym, yr amgueddfa rithiol honno o siapiau cyfnewidiol ydym, y pentwr hwnnw o ddrychau toredig Jorge Luis Borges

ein denunydd ni / yw hwnnw y gwneir breuddwydion arno William Shakespeare

ein hunig hapusrwydd yw'r hapusrwydd yr ydym wedi ei roi Eduard Pailleron

elli di ddim dweud nad yw gwareiddiad yn mynd rhagddo, oherwydd ym mhob rhyfel maen nhw'n dy ladd mewn ffordd wahanol Will Rogers

er bod cymaint o ramadegyddesau ag o ramadegwyr, mwy hyd yn oed... Desiderius Erasmus von Rotterdam

er bod marw yn frawychus, mwy brawychus byth yw gwybod eich bod yn byw hyd dragwyddoldeb heb allu marw byth Anton Chekhov

er mwyn bod yn aelod di-fai o braidd o ddefaid, rhaid, yn anad dim, fod yn ddafad Albert Einstein

er mwyn bod yn hirhoedlog y cwbl sydd ei angen yw osgoi byw Anónimo

er pan y'u crëwyd, nid oedd y banciau mawr, wedi eu haddurno â theitlau cenedlaethol, yn ddim ond cymdeithasau o hapfuddsoddwyr a'u gosododd eu hunain wrth ochr llywodraethau... Karl Marx

erioed, yr ideoleg sy'n rheoli fu ideoleg y dosbarth sy'n rheoli Karl Marx

ers llawer dydd, byddai'r bobl fawr yn defnyddio grym, cyfreithiau a chrefydd i ddarostwng y werin; bellach mae ganddynt bêl-droed a'r teledu hefyd Carl William Brown

esiampl o wiriondeb: mae arian yn troi ffyddlondeb yn anffyddlondeb, cariad yn gasineb, casineb yn gariad, rhinwedd yn llygredd, llygredd yn rhinwedd, gwas yn feistr, meistr yn was, ynfydrwydd yn ddeallusrwydd, a deallusrwydd yn ynfydrwydd Karl Marx

etholwr: rhywun sy'n mwynhau'r fraint gysegredig o bleidleisio i'r dyn a ddewisodd rhywun arall Ambrose Bierce