s t vû guintèr un sgnåuri col scrîver, t è da scrîver däl côs ch’äl séppen lèti da cla Zänt che quand äl lèZen äl môven i lâber
|
sa srélla la vétta, s’a n avéssen bSa l curâg’ d andèr a rîSg in quèl?
|
sa stèla d'asptèr l'UNESCO a dichiarèr patrimòni dl'umanitè tótt al pianaid?
|
saltèr fôra dai sû problêma al vôl dîr canbièr da bån al rapôrt cån al fiôl ed sô pèder e cån tótta la sô vétta
|
sänza di bajûc e dal tänp, la fantaSî l’é un insónni ch’pâsa, e ch’an pôl brîSa dvintèr un’aziån
|
sänza la memòria, l òmen an sarêv ignínta es an srêv bån ed fèr ignínta
|
sänza rêchia ai nâs i fât, ch'i inSgunbéjjen äl teorî
|
sänza Saddam al månnd l é dvintè miåur. Cum srêl sänza Bush?
|
såtta a un guêren ch'at métt dänter ingiustamänt, anc al sît dl ômen giósst l é in parSån
|
såul ai dû cô dla schèla sozièl as arcgnóss i rà
|
såul ai sapiént ai pièS d inparèr, ai ignurànt ai pièS de pió d insgnèr
|
såul al silänzi l é grand, tótt al rèst l é diblazza
|
såul chi l é dimónndi trésst l à l dirétt ed cunpatîr un èter
|
såul i mûrt i an al dirétt ed pardunèr, e chi vîv i n an inción dirétt ed dscurdères
|
såul i mûrt i vàdden la fén dla guèra
|
såul l'inutilitè dal prémm batèl la fà in manîra che al Sgnåur al n in manda brîSa un èter
|
såul pånnder mänt al'upignån póbblica al garantéss al futûr d na sozietè
|
såul quall ch'al n à brîSa pòra ed murîr par la veritè l é daggn ed dîrla
|
såul quall ch'an se spèta gnínta l é lébber da bån
|
såul quàll ch’ai ò pêrs al m apartén par sänper
|
såul quall ch’an s pèga brîSa al cåssta
|
såul un curagiåuS l é bån ed pardunèr. Un vigliâc nå – al né brîSa int la sô natûra
|
såul un mât al pôl dlîZer la guèra invêzi dla pèS, parché in pès i fiû i supléssen i pèder, mäntr invêzi in guèra i én i pèder ch'i supléssen i fiû
|
savair stèr al månnd al int la vétta vôl dîr métter vî quall ch'al n é brîSa nezesèri
|
scadagnón al tôl i cunfén dla sô viSuèl pr i cunfén dal månnd
|
scadagnón l é cunpâgna al le fé al Sgnåur, e spassi vôlt anc pîz
|
scadagnón, quand al lèZ, al lèZ däntr in ló. L’ôvra dal scritåur l’é såul un uSvai òtic prufêrt al letåur, par vî ch’al pòsa vàdder quall che, sänza, an srêv bSa stè bån
|
scarzànd, as pôl dîr d incôsa, anc la verité
|
scrîver l è difézzil anc par l analfabetîSum ed chi èter
|
scrîver l é sänper ardupèr quèl in manîra ch'al séppa dscuêrt
|
scrîver una poveSî dåpp a Auschwitz l é una barbaritè
|
scrîver, l é una manîra ed dscårrer sänz'èser interótt
|
scuèSi tótt i dutûr i an i sû malân preferé
|
scuèSi tótt i òmen i môren pr äl sô cûr, brîSa pr i sû mèl
|
se a ón ai pièS al sô amstîr, l é la miåura aprosimaziån stièta ala felizitè só la tèra
|
se al månnd tótt i quî i fóssen razionèl, an i suzdrêv mâi gnìnta
|
se al mî dutåur l um géss ch’ai ò såul trî minûd da stèr al månnd, a n stâg mégga lé a rumghèr. A m métt a scrîver a mâchina pió in fûria
|
se al Sgnåur al n avéss bSa fât la dòna, al n arévv bSa fât al fiåur
|
se al våud al canbiéss quèl, i al farénn dvintèr ilegéttum
|
sé al’economî da marchè, nå ala sozietè da marchè
|
se chi pòpol i s cgnuséssen méi, i inpararénn a vlaires dal mèl
|
se Dìo al stà zétt, t i pû fèr dîr tótt quall ch’t vû
|
se i farabótt i s méttn insàmm pr èser pió putént, la Zänt unèsta i an da fèr prezîS
|
se i ISraegliàn in s vôlen brîSa sénter dèr dal naZéssta, i l’an da dSmétter ed fèr cunpâgna i naZéssta
|
se i Republicàn i la dSmitràn ed dîr däli ufèl só i Democrâtic, nuèter a la dSmiträn ed dîr la veritè só låur
|
se i t an tirè só pulîd, al dé d incû, l’é una convegnänza dal câz parché t avànz fôra da un mócc’ ed lavurîr
|
se int al fóddbal ai é dla viulänza, l é parché in Itâglia al dé d incû ai cånta quèl såul quall ch'vénz
|
se la Zänt i capéssen méi i rîSg ch'as córr a druvèr zêrti parôl, i diziunèri, int i mustrén däl librarî, i srénn arvujè int na stréssla råssa 'EsploSîv. Da manegèr con dl'óssta'
|
se la Zuventó la n la pugiarà brîSa, anc la mâfia misteriåuSa e ch'pôl fèr incôsa la Svanirà cunpâgna un brótt insónni
|
se lî la se spiêga cån n eSänpi mé an capéss pió un azidóll
|
se maré e mujêr i n stéssen brîSa insàmm i bón matrimôni i srén dimónndi de pió
|
se ón al la tén cûrta al vôl dîr ch'al la sà lónga
|
se ón al lôta al pôl anc pêrder. Se ón an lôta brîSa l i n à bèle fât zincuantanôv
|
se ón al n é brîSa bån ed vlair bän a un quelcdón l é pió infelîz ed quî che inción ai vôl bän
|
se ón al n é bSa prónti a lutèr pr äl såu idê, o che äl såu idê i n vèlen gnínta, o ch'an vèl gnínta ló
|
se ón al s dà da fèr ai crass al curâg’, s’al la tîra in lóng ai crass la pôra
|
se ón al stà pulîd int la sô pèl, viaZèr l è cme stèr d cà int un èter sît, an è pió èser luntàn
|
se ón al tâca con däl zertàzz al finirà con di dóbbi; mo s’al s cuntänta ed tachèr con un quèlc dóbbi, l arivarà ed cô a una quèlc zertazza
|
se ón an à mâi avó un can an pôl capîr cs’as vójja dîr vlair bän a un quelcdón e avair un quelcdón ch’at vójja bän
|
se ón an s n intànnd brîSa as capéss par vî ch’al bacâja trôp
|
se ón ed nuèter, un òmen bâsta ch’séppa, l é drî a tribulèr cunpâgna un can, l é malè o l à fâm, l é un quèl ch’as riguèrda tótt. Tótt al s à da riguardèr, parché fèr cånt d an vàdder la soferänza d un òmen l é sänpr un ât ed viulänza, e tra i pió vigliâc
|
se ón l avéss da studièr tótti äl laZZ, an i avanzarêv pió l tänp par traSgredîri
|
se ón l é sinzêr al résschia ed priglèr, bâsta ch’an séppa anc un stóppid
|
se par salvèr la vétta d un malè as pôl dunèr i ôrghen, par salvèr quî ch'môrn ed fâm, s pôlel brîSa dunèr däl protejéNni?
|
se stèr al månnd l é bèl, pió bèl l é insugnères, e pió bèl ed tótt, l é dSdères
|
se t an t aspèt brîSa l inprevésst t an al dscruvrè mâi, scapadézz e inprubâbil cum l é.
|
se t dscårr con un cristiàn int una längua ch'al capéssa, t andarè a saggn int al sô zócc. Se t i dscårr int la sô längua t andarè a saggn int al sô côr.
|
se t î stè felîz, an cånta brîSa come Sbâli
|
se t vû savair, prôpi da bån, cus’la s vójja dîr una dôna, guèrdla, brîSa stèrla da sénter
|
se un padrån an pôl brîSa fèr da manc dal sêruv, qu’êl stra i dû l òmen lébber?
|
se un pòpol al s cradd ed psair èser lébber avanzànd ignurànt, al spêra int un quèl ch’an s é mâi vésst e che inción an vdrà mâi
|
se una dôna at la dà só al vôl dîr che a fèren s-santón l’é stè lî
|
se una dôna l’é fté mèl, la Zänt i faràn chèS al sô ftièri. S’l’é fté cómm và, i faràn chèS ala dôna
|
se una giurnèta spaiSa pulîd la t dà un bèl durmîr, una vétta bän druvè la t dà un bèl murîr
|
se una laZZ l’à dîSmélla raiguel la n à pió al rispèt d inción
|
séppet altruéssta: rispèta l egoîSum ed chi èter
|
séppet carén con la Zänt ch't incånter drî la tô strè, parché t i turnarè a incuntrèr quand t tåurn indrî
|
séppet cèr e stièt col tô avuchèt... Pò al srà al sô lavurîr, fèr dvintèr incôsa ingatiè
|
séppet pió sapiänt ed chi èter, s't î bån; mo brîSa dîriel
|
Sèt Pchè Sozièl: puléttica sänza prinzéppi, ricazza sänza lavurîr, piaSair sänza cunsénzia, cgnusänza sänza carâter, cumêrzi sänza moralitè, siänza sänza umanitè e religiån sänza sacrifézzi
|
siänza l é tótt quall ch'as in pôl anc discótter
|
siché dånca mé a stâg al månnd cme ón ch’al stà da vàdder l’umanitè e brîSa cme ón dla spêzie
|
sistêma copernicàn
|
socuànt i cràdden che al gêni al séppa ereditèri; chi èter i n an brîSa di ragazû
|
socuanti däl stòri d amåur pió grandi ch'ai ò cgnusó, äli an avó un prutagunéssta såul
|
solamänt in vatta a di quî ch’i n interèsen a inción as pôl dèr un’upignån sänza pregiudézzi e l’é par quasst che un’upignån sänza pregiudézzi la n cånta un azidänt
|
solamänt quî ch’i an al curâg’ ed falîr ala granda i pólen utgnîr di gran riSultè
|
soncamé ch'l é pusébbil avair una relaziån platònica, mo såul stra maré e mujêr
|
spassi vôlt as lâsa in pèS quall ch’l à dè fûg e as punéss quall ch’l à dè l alèrum
|
spassi vôlt pr èser bón a tgnän piantèrla d èsr unèst
|
spassi vôlt, l é pròpi quand una veritè l’é pió dSgudavvla da sénter, ch’l’é pió óttila da dîr
|
spassi vôlt, l ónnic quèl ch’al stà stramèZ al òmen e quall ch’al vôl int la vétta, l é såul la volontè ed pruvèr, la fôrza ed cràdder ch’al séppa pusébbil
|
sperèr che la Zänt i t trâten pulîd parché t î una parsåNna cum và l é cunpâgna pinsèr che un tòr an t tîra brîSa adôs par vî ch’t î un vegetariàn
|
Stà pûr da sénter i dscûrs ed tótta la Zänt, mo quall ch’t è da dîr fà in manîra ch’i al séntn in pûc. Stà pûr da sénter al parair ed chi èter, mo pänsa cum a t pèr a té
|
sta vétta l'é un sbdèl in dóvv tótt i malè i én tgnó lé dala vójja ed mudèr ed lèt
|
ste stèr in s qualla l é terébbil. A spêr ch’al dûra
|
stèr al månnd sänza filoSofèr l é prôpi cunpâgna tgnîr i ûc’ asrè, sänza mâi zarchèr d avrîri
|
stèr da par sé l é un bèl quèl, mo biSåggna ch’ai séppa un quelcdón par dîruv che stèr da par sé l é un bèl quèl
|
stèr d'asptèr ed dvintèr di sgnåuri, l êra ón di mutîv dla miSêria póbblica
|
stòria: un racånt par la pió farlòc, ed fât par la pió brîSa inpurtànt, ch'i én stè provochè da di sgnurón par la pió brigànt, e da di suldè par la pió inSmé
|
stra cäli idê che a quî dal sô tänp ai é d avîS ch’äl séppen däl fôl sänza säns, e a quî ch’vén dåpp, invêzi, di quî naturèl, ai é anc l’idê dl’introduziån d na längua cumón stra di pòpol difarént
|
stra i quî pió preziûS ch’ai ò, ai é socuanti parôl ch’a n ò mâi détt
|
stra mulêcola e mulêcola, ai é l istàss trât ch’ai é stra strèla e strèla
|
stra tótt chi quî che la sapiänza la métt só par fèr vgnîr la vétta felîz, quall pió grand de tótt l é avair l’amizézzia
|
stra tótt i quî sicûr, quall pió sicûr l é al dóbbit
|
stra tótti äl perversiån sesuèli, fôrsi cla pió vèga l'é la castitè
|
stramèZ a tótt i quî ch’i n dipànnden brîSa da mé quall ch’l um pièS de pió l é guintèr amîg dla Zänt ch’i vôlen bän da bån ala veritè
|
stramèZ al plócc a stän da mé e té, cuntént d èser insàmm, dscurànd sänza mutivèr parôla
|
stramèZ ali èrum, äl laZZ äl stan zétti
|
s'a dè l'inpresiån d avair biSåggn ed quèl, la Zänt i n v daràn gnínta. Par fèr i bajûc, biSåggna dèr l'inpresiån d èser di sgnåuri
|
s'a fóssen bón d èsr a ónna... che bèl e aSvén al srévv al futûr
|
s'a géss da bån quall ch'a päns, i um turénn só o i um mitrénn int i mât. Mo và bän là, a sån sicûr ch'al srêv acsé par tótt
|
s'a n stè aténti, i giurnèl i v faran udièr la Zänt ch'la vîv in sudiziån e vlair bän ala Zänt ch'i téNnen in sudiziân chi èter
|
s'a pséss scrîver la blazza di tû ûc'
|
s'a vlän che i quî i mûden, a tgnän ocupèr äl banc e fèr saltèr la televiSiån. An i é inciónni ètri soluziån rivoluzionèri
|
s'at pièS quall ch'et fè, an srà mâi un lavurîr
|
s'avéssen da ciamèr teroréssta un quèlc stèt, arénn da fèrel col guêren d ISraêl, parché i én låur ch'i scânen i Ârab inuzént e sänza difaiSa int i teritòri ocupè
|
s'avî fidózzia in vuèter, a farî in manîra che chi èter i èven fidózzia in vó
|
s'et canp asè, t evdrè che tótti äl vitòri äl s mûden in scunfétt
|
s'et vû inparèr, insaggna
|
s'et vû una viSiån dal futûr, imaZéNnet mò un stivèl ch'al péssta una fâza d un òmen - par sänper
|
s'i véNnen par mé ala matéNna, i vgnaràn par té ala sîra
|
s't arîv secånnd al vôl dîr ch’t î al prémm ed quî ch’i an pêrs
|
s't è un dóbbi, stà bän dala pèrt dal giósst
|
s't î drî par dîr la veritè ala Zänt, séppet divartänt, sinchenå i t mazaràn
|
s’a n truvän mâi da litighèr cån la raSån a cujarän sänper l’âcua con un panîr
|
s’a vlän ch'ai finéssa äl baróff stra i pòpol, avän da investîr manc int äl guèr e de pió int la cultûra dla pèS
|
s’ai cràss la sapiänza, ai cràss i dsgósst
|
s’ai é ón ch’at fà pòra, quand t i dè cånter, quall t î pròpi té
|
s’ai fóss durè äl laZZ ed Norinbêrga, tótt i presidént americàn ed dåpp la guèra i srénn stè inpichè
|
s’ai ò scrétt una léttra acsé lónga, l é stè parché a n ò bSa avó l tänp ed scrîverla pió cûrta
|
s’an i é brîsa un prêzi da paghèr, an i é gnanc inción valûr
|
s’an i fóss brîSa äl parSån, a s n adarénn ch’a sän tótt incadnè
|
s’avî pòra dla sulitóddin, ch’a n v maridèdi
|
s’et dî la veritè, t an è da tgnîrt in amänt ignínt
|
s’et vû catèr drî ala tô strè amizézzia, dulzåur e poveSî, tûi tîg
|
s’et vû séntr al savåur dla tô virtó, una quèlca vôlta fà di pchè
|
s’i t cånten na stôria in dåu manîr ch’i n s arvîSen gnanc int al pisèr, l é méi cràdder a qualla in dóvv la Zänt i dan al pîz ch’i pôlen
|
s’t a n î brîSa prónti a èser dala pèrt dal tôrt, t a n saltarè mâi fôra con quèl d originèl
|
s’t an è brîSa cgnusó la miSêria l é inpusébbil che t pòs aprezèr al lússo
|
s’t î bån ed fèr däli uservaziån ch’äl van in là un bèl pèz, quî ch’i n én brîSa bón i t dîSen ch’t fè dal cinîSum
|
S’t î in vatta al parapèt d un pånt e t at Slóng in fòra par guardèr al fiómm ch’al Sguélla vî såtta da té, a un bèl mumänt té t sarè tótt quall ch’ai é da savair
|
s’t vû che al mèl al l’èva sänper vénta, al bâsta che la Zänt bôna i èven al gnôc såtta äl laSén
|
s’t vû fèr Sgargnazèr al Pedretêren, cånti i tû prugèt
|
s’t vû schivèr ed vàdder un cretén, prémma t è da stianchèr al tô spèc’
|
