quall che la rûga la ciâma “fén dal månnd”, tótt chi èter i la ciâmen parpâja
|
quall ch'a ciamän prugrès, l é al barât d una bêga con un'ètra bêga
|
quall ch'a se Slónga la n é brîSa la vétta, mo la vciâja
|
quall ch'am fà pió pòra l é l invêren dla memòria
|
quall ch'an castîga bSa l mèl, al cmanda ch'al s fâga
|
quall ch'an pôl brîSa èser détt, l à da èser taSó
|
quall ch'avän cunpâgn, l é ch'a sän difarént
|
quall ch'dà a mänt l é squèSi sänper miåur ed quall ch'cmanda
|
quall ch'fà dvintèr st månnd terébbil, l é ch'a pruvän con l'istassa pasiån d èser cuntént, e d inpedîr a chi èter d èsrel
|
quall ch'fà stèr in cunpagnî la Zänt, l é ch'i n én brîSa bón ed stèr da par sé
|
quall ch'l à fât dvintèr al stèt un infêrn in tèra, l é che i òmen i an sänper pruvè ed fèrel dvintèr un paradîS
|
quall ch'l avanza bån ed vàdder la blazza, an vgnarà mâi vèc'
|
quall ch’a vói, l é che incôsa séppa tånnd, e ch’an i séppa, giän mò acsé, ne un prinzéppi ne una fén int la fåurma, mo che invêzi quassta la séppa l’idê d un insàmm armuniåuS, quall dla vétta
|
quall ch’ai è int al côr dal moderè l è anc int la pónta dla längua dl inbariagôt
|
quall ch’al vôl andèr vêrs äl strèl, al n à brîSa da guardèrs dintåuren in zairca ed cunpagnî
|
quall ch’an dmanda gnínta, al se spèta incôsa
|
quall ch’an fà bSa bån al sâm, an fà bån gnanc al’èva
|
quall ch’vôl môver al månnd, prémma d ónna l à da môvres ló
|
quall dal scritåur l é l ónnic amstîr che inción al dîS ch’t î ridéccuel s‘t an ciâp brîSa di góbbi
|
quand a crass, a vói dvintèr un cinâz
|
quand a dèva da magnèr ai puvrétt la Zänt i um gêven sant. Quand a dmandèva parché i puvrétt i n avêven brîSa da magnèr, i um gêven cumunéssta
|
quand a dlîZ stra dû mèl, am pièS sänper ed tûr quall ch'a n ò mâi pruvè prémma
|
quand a dsfè i monumént, tgnî da cånt i piedestâl: i vgnaràn bón
|
quand a sént la Zänt a Sbâtr äl man pr un quelcdón, ai ò sänper cunpasiån ed ló. Par séntr i féssti, l arà såul da canpèr asè
|
quand a vadd Barluscån e cl’ètra mèZa pugnatta a m vén vójja ed dèr al dimisiån dala râza di cristiàn
|
quand a vdî un finanzîr a fichères Zå dala fnèstra, saltèi par d drî - l é là ch'ai é i bajûc
|
quand ai é di incâli, la stréssla pió cûrta stra dû pónt la pôl èser na vultè
|
quand ai é dla crîSi ai scôpia un’epidemî sozièl che, una vôlta, t l’aréss ciamè un cåntrasäns: l’epidemî dla såuraproduziån
|
quand ai êra un ragazèl, i um gêven che scadagnón l arêv psó dvintèr al Presidänt. A tâc a cràdded ch’al séppa vaira
|
quànd ai êra zåuven, a psêva arcurdèrm incôsa, ch’al fóss suzès da bån o nå
|
quand ai nâs un gêni stièt, t at n acôrZ par vî che i cretén i én tótt a ónna a dèri adòs
|
quand ai stiòpa una guèra, la prémma véttima l’é la veritè
|
quand äl côs äl van pr una strè Sbagliè, té brîSa andèri drî
|
quand as tribålla magâra pr arivèr a quèl, as i tén de pió
|
quand dû òmen ch’i lavåuren insàmm i vàn sänper d acôrd, ón di dû an sêruv a gnínt
|
quand et fè di sèlt dala cuntintazza, bèda bän ch'i n t pôrten vî la tèra da såtta i pî
|
quand et stè dal'istassa banda dla pió pèrt dla Zänt, l é al mumänt ed farmèret a pinsèri
|
quand i an un gran biSåggn, ai n é d quî ch'i prénn cràdder d incôsa
|
quand i déi i vôlen dères na puniziån, l’é la vôlta bôna ch’i esaudéssen äl nòstri uraziån
|
quand i fói i én lébber, e tótt i i pôlen lèZer, incôsa é sicûr
|
quand i mî pî i s apôsen, anc al mî capéss al s afairma
|
quand i misiunèri i arivénn qué da nuèter, i africàn i avêven la sô tèra e i misiunèri i avêven la Bébbia. I s insgnénn a preghèr con i ûc’ asrè. Quand a i avêrsen, låur i avêven la tèra e nuèter la Bébbia.
|
quand la längua l'é curåtta, la Zänt i pêrden la faid in quall ch'i sénten, e cal quèl che qué al cundûS ala viulänza
|
quand la và pròpri mèl ai é såul la fantaSî ch’la cånta de pió dla cgnusänza
|
quand la virtó l'à durmé, la s lîva con pió energî
|
quand l'infanzia la môr, i sû cadâver i tôlen nómm 'grand' e i tôlen pèrt dla sozietè, ón di nómm pió elegànt dl infêren. L é par quasst ch'avän pòra di tuSétt, anc s'a i vlän bän. I s fan da vàdder a che pónt a sän dla nòstra decadänza
|
quand l'ispiraziån l'arivarà, la m catarà drî a piturèr
|
quand ón al pretànnd ed savair cus'é la felizitè, l é parché al l'à pirdó ed sicûr
|
quand ón al s indurmänta, al se dscôrda ed ló. E quand al se dSdaSSda ai vén in amänt
|
quand t òdi una parsåNna, t òdi in lî quèl ch’l é una pèrt ed té
|
quand tótt i pänsen int l’istassa manîra, inción pänsa
|
quand un guêren al dipànnd dai banchîr par vî di quatrén, i én i banchîr e brîSa al guêren a armiSdèr la pulänt. La man ch’la dà l’é par d såura ed qualla ch’l’arzàvv. I quatrén i n an pâtria e i finanzîr i n an né patriotîSum né dezänza, la sô ónnica mîra l é al prufétt
|
quand un òmen l amâza una tîgra, i i dîSen spòrrt; quand una tîgra l’amâza un òmen, i i dîSen cativêria
|
quand un pòpol an s atänta pió ed difànnder la sô längua, l é bèle prónti par dvintèr un sêruv
|
quand un sienziè famåuS mo vèc' al sustén che quèl l é pusébbil, l à raSån scuèSi ed sicûr. Quand al sustén che quèl l é inpusébbil, scuèSi ed sicûr al se Sbâglia
|
quanti angóssti ón al se dschèva, quand al dezîd d an èser brîSa un quèl, mo un quelcdón
|
quanti vétt int na vétta, quant òmen int un òmen
|
qué ai stà ed cà un òmen lébber. Inción al le sarvéss
|
qué an s rispèta gnanc la laZZ dla furèsta
|
Quèl êl al prémm dvair d un cristiàn? As fà prèst a dîr: èser sé stass
|
quèl êl al Svèri stra un scantè, curiåuS, cínno ed zéncv ân e una bûrsa, un zarócc d un ragazèl ed dSnôv ân? Quatôrg’ ân ed scôla inglaiSa
|
quèSi tótta la stôria sozièl dal månnd da sîra, in sti ûltum tränt’ân, l’é stè qualla ed canbièr i quî ch’i funziunèven con di quî ch’is preSentèven pulîd
|
quî ch'i scrîven cmôd i dscårren, anc s'i dscårren pulîd, i scvrîven mèl
|
quî ch'i stan al månnd såul par la blazza, al stà al månnd såul par cal mmumänt che lé
|
quî ch’i arzàvven de pió, i arzàvven par cånt ed chi èter, i n én brîSa pió grand e gnanc miûr d un èter: i an solamänt däl responsabilitè pió grandi. I an da sarvîr de pió. Vîver par sarvîr
|
quî ch’i dscårren dal èlt dla sô supêrbia i n drôven brîSa l inZàggn, mo piotôst la memòria
|
quî ch’i s insóggnen al dé i san dimónndi quî, che quî ch’i s insóggnen såul ala nòt i s pêrden
|
quî ch’i vôlen cunbâter l ûs cån la gramâtica, i s inbarlòchen
|
quíssti qué i én i mî prinzéppi. S’i n uv van bSa bän, a in ò di èter
|
