• about logos
• logos dictionary
• bilingual dictionaries
• children's dictionary
• fashion dictionary
• volunteers
• logos conjugator
• learning conjugator
• logos library
• logos poetry
• children's library
• logos quotes
• logos toolbars
• translation course
• help

ä a b c d e ê è f g h i l m n ó ò o p q r s t u v z

i americàn i én di purtadûr san ed democrazî Giorgio Gaber

i amîg i én cla fatta dla râza umèna ch’a si pôl èser sîg George Santayana

i amîg t an i dlîZ brîSa a râi, mo secånnd äl tåu pasiån pió grandi Alberto Moravia

i analfabêta dal sêcol ventión i n sran brîSa quî ch’i n san ne lèZer e ne scrîver, mo tótt quî ch’i n sran brîSa bón d inparèr, dscurdères tótt quall ch’i an inparè e turnèr a inparèrel n'ètra vôlta Alvin Toffler

i arcôrd ch'avän, ón ed chi èter, anc in amåur, i n én mâi prezîS Marcel Proust

i arcôrd ch'avän, ón ed chi èter, i n cunbéNnen mâi Marcel Proust

i arcôrd i én cunpâgna al vén ch'al dipånnd int la butégglia: ai avanza al cèr e al féss al finéss in fånnd. Guâi saguajèrla, la butégglia Mario Rigoni Stern

i arcôrd i s intêrpreten cunpâgn ai insónni Leo Longanesi

i arlîv i mâgnen quall che i mésster i an padé Karl Kraus

i avuchèt i én i ónnic ch'i n én brîSa puné s'i n cgnóssen brîSa äl laZZ Jeremy Bentham

i avuchèt i én i ónnic delincuént normèl, che biSåggna par fôrza dlîZri gióddiz stramèZ a låur Charles Caleb Colton

i bajûc i dan na man a supurtèr la miSêria Alphonse Allais

i bajûc i én di bón sarvitûr, mo di padrón catîv Alexander Dumas

i bajûc, pòst che i én bón ed cunprèr incôsa, d aguantèr tótta la rôba, i én, siché dånca, al quèl ed pusès pió inpurtànt. Al fât che quasst i al san dapartótt al fà guintèr i bajûc cme un pedretêren Karl Marx

i comunéssta i pôlen ardûSer äl såu teorî in cla propôsta che qué: fôra i padrón Karl Marx

i criminèl dl èter dé i én i sgnåuri dal dé d incû e i criminèl dal dé d incû i én i sgnåuri d edmàn Carl William Brown

i culôs d Internet i guànten, tótt i dé de pió, i ónnic sinsèl stra chi prodûS e chi cunsómma Antonello Soro

i cunfén dla mî längua i én i cunfén dal mî månnd Ludwig Wittgenstein

i dån Chisiòt dal dé d incû i n fan brîSa la lòta cåntr i mulén a vänt, mo par låur Anónimo

i dé che un òmen an s pôl brîSa dscurdèr int la sô vétta i én zéncu'o sî al mâsum. Chi èter i fan móccia Ennio Flaiano

i Democrâtic i én al parté ch’al dîS che al guêren at farà guintèr pió inteligiänt, pió grand, pió sgnåuri, ch’al cavarà äli urtîg dal tô Zardén. I Republicàn i én al parté ch’al dîS che al guêren al scantarèla, i s fan mandèr só e i al dimåsstren P.J. O'Rourke

i dirétt di animèl i véNnen prémma dla religiån Dan Jørgensen

i dirétt i cràssen da par låur se ón al fà pulîd al sô dvair Mohandas Karamchad Gandhi

i dîSen burgheSî a cla bâla ed Zänt dscuntént ed quall ch'i an e sudisfât ed quall ch'i én Nicolás Gómez Dávila

i dîSen che la puléttica la séppa al secånnd amstîr pió antîg dal månnd. Däl vôlt a m é d avîS ch’la s arvîSa dimónndi de pió ala prémma. Ronald Reagan

i ditadûr i pôlen mudèr äl laZZ, mo brîSa äli uSànz Jacinto Benavente y Martínez

i diziunèri i én cunpâgn ai arlói: cal pîz l é méi ed gnínta, e a n psän fidères gnanc ed cal miåur Samuel Johnson

i diziunèri i én da curèZer continuamänt, cunpâgna äl cartén geogrâfichi Carlo Dossi

i dutûr i dan däl medgén ch’i cgnóssen pôc, par curèr däl malatî ch’i n san gnanc cus’äl séppen Voltaire

i dutûr i én dvintè un gran résschi par la salût Ivan Illich

i dutûr i én quèSi prezîS ai avuchèt; la difaränza l’é che i avuchèt i t pôrten vî i góbbi e pó bâsta, invêzi i dutûr i t pôrten vî i góbbi e pó, par Zónta, i t amâzen Anton Chekhov

i é difézzil magâra lavurèr int na manîra eSenplèr e, int l istàss tänp, disprezèr al lavurîr ch'et fè Milan Kundera

i én de pió quî ch’i môren scapànd vî che quî ch’i môren cunbatànd Selma Lagerlöf

i én dimónndi quî ch’ai piaSrêv ed freghèr äl tâs, mo såul i sgnåuri i én bón, i puvrétt i an da stèr a savair ch’i an da paghèr äl tâs anc par låur lé Carl William Brown

i én prôpi quî ch’i n an brîSa dla dêrma ch’i n cràdden brîSa ala furtóNna Joseph Conrad

i én pûc quî ch'vàdden cum a sän, mo tótt i vàdden quall ch'a fän véssta d èser Niccolò Machiavelli

i én såul i vinzidûr ch'i dezîden quî i én stè di crémmin ed guèra Garry Wills

i én tótt bón ed senpatiZèr con un guâi d un amîg, mo såul un ânim nôbil l é bån ed senpatiZèr col suzès d un amîg Oscar Wilde

i fabricànt ed midgén i én pió brèv a dscrûver däl nôvi malatî da curèr col medgén ch’äli én bèle int äl farmazî piotòst che dscrûver däl nôvi midgén pr äl malatî ch’a cgnusän Nassim Nicholas Taleb

i fangén i câten incôsa int al gnínta, chi grand i n câten gnínta int incôsa Giacomo Leopardi

i fât inpurtànt dal månnd, i câpiten int al zarvèl Oscar Wilde

i filòSof i an såul interpretè al månnd int na manîra difaränta; adès però biSåggna canbièrel Karl Marx

i fói i n vôlen brîSa infurmèr al letåur, mo dèri d'intànnder ch'i l infåurmen Nicolás Gómez Dávila

i giurnaléssta i n cràdden brîSa al bâl di puléttic, mo i li tåurn-n a dîr! E l é bän pîz! Coluche

i guêren i n inpèren mâi. Såul la Zänt i inpèren Milton Friedman

i incànt: una manîra ed sénter a arspånnder ed sé sänza avair fât inciónni dmand cèri Albert Camus

i inglîS i én istintivamänt amirè ed quall ch'al n èva brîSa dal Sbózz, es an s dâga brîSa dl'ariâza par quasst James Agate

i insónni i dvänten realtè; sänza sta pusibilitè la natûra la n s cuciarêv brîSa a avairen John Updike

i itagliàn i én sänper prónti a córrer a dèr na man ai vinzidûr Ennio Flaiano

i lèder ed galén a i inpicän e chi pió grand a i mandän in CmóNna Aesop

i lèder i rispèten la propietè; i vôlen såul che la propietè la dvänta ed sô propietè, par vî ed psairla rispetèr méi Gilbert Keith Chesterton

i lîber i an dl argói. Quand t i inprèst, i n tåurnen pió indrî Theodor Fontane

i lîber i an i stéss nemîg dl òmen: al fûg, l’umditè, äl bîsti, al tänp e quall ch’ai é par d dänter Paul Valéry

i lîber i s rispèten druvàndi Umberto Eco

i lîber i sêrven par fèr da vàdder a un quelcdón che tótti cäl såu idéi acsé uriginèli äli én fróssti ed cal pôc Abraham Lincoln

i lîber trésst i fan äl tréssti uSànz in st’mänter che äl tréssti uSànz äl fan di bón lîber René Descartes

i lûder i se schèven la fòsa coi sû dént Henri Estienne

i m an dmandè: vó sîv favuràvvel ala liberaliZaziån dla rímmba? Mé a i ò arspåuS: prémma a tacän con la liberaliZaziån dal pan che, in mèZ månnd, l é såtta un pruibiziunîSum arabé José Saramago

i maré i én di bón anbrûS, mâsum quand i tradéssen sô mujêr Marilyn Monroe

i mât i avérren cäl strè che, dåpp, i fan pó quî che i la san lónga Carlo Dossi

i mêdia i én un Zuglén in man ai sgnåuri, e i sgnåuri i i drôven par dvintèr anc pió sgnåuri Ryszard Kapuściński

i mûrt i én de pió che i vîv. E al nómmer l é sänper drî a cràsser. I vîv i én cèr Eugène Ionesco

i n én mégga i acadêmic int äli acadêmi a fèr äl parôl, mo la Zänt int äl strè. Quî ch'i scrîven i diziunèri, i li ciâpen scuèSi sänper tròp tèrd, i li inbèlsamen in åurden alfabêtic, e dimónndi vôlt quand i n vôlen pió dîr quall ch'i s pinsèven i inventûr Gabriel García Márquez

i n srénn pó di òmen, s’i n fóssen malincònic. La sô vétta l’arà pûr da finîr. Tótta la sô ricazza l’é la môrt, ch’la i custrànnZ a dères da fèr, a tgnîrs in amänt e a avair l òc’ avanti Cesare Pavese

i nûster burghîS, vésst ch’i n s cuntänten brîSa d avair a dispuSiziån äl mujêr e äl fiôli di proletèri, sänza dscårrer di caSén ufizièl, i s divartéssen da mât a inturtères la mujêr ón cån cl èter Karl Marx

i nûstr arcôrd i én di énndiz d archîvi, consultè, e pò méss al sô sît tótt inSgunbiè da däli autoritè che nuèter a n cmandän brîSa Cyril Connolly

i òmen al tén drî a méll rôS sänza catèr quall ch'al zairca, quand al le prêv catèr int ónna såula Antoine de Saint-Exupéry

i òmen ch'i dscårren pôc i én chi miûr William Shakespeare

i ômen grand, i én sänper da par låur Charles Bukowski

i òmen i n an brîSa una gran stémma ed chi èter, mo i n n an brîSa dimónndi gnanc ed sé Leon Trotsky

i òmen i nâsen ignurànt, brîSa quajón; i dvänten quajón par vî dl'educaziån Bertrand Russell

i òmen i van in gîr e i s maravàjjen däl muntâgn èlti, di mèr, di fiómm pió lèrg, däli âcuv grandi e däl strèl, e i fan da manc ed maravières ed låur stéss Sant'Agostino

i òmen l arvéNna i quî pió cån äl parôl che cån al silänzi Mohandas Karamchad Gandhi

i ónnic ch’i tåurnen sänpr indrî da incôsa i én quî ch’i n én mâi andè da inciónni band Antonio Machado

i ónnic ûc' bî i én quî ch'i t guèrden dûlz Coco Chanel

i padrón ed ste pajaiS i la san, la veritè. L insónni americàn al s ciâma acsé parché, par craddri, biSåggna prôpi èser indurmintè George Carlin

i parté dal dé d incû, pió che èter, i én däl mâchin par psair cmandèr e cuntintèr la clientêla Enrico Berlinguer

i paziféssta i én cunpâgn a di agnî ch'ai é d avîS che i lûv i séppen vegetariàn Yves Montand

i pôlen tajèr tótt i fiûr, mo i n pran mâi farmèr la prémmavaira Pablo Neruda

i pòpol salvâdg i én la risêrva morèl dl'umanitè Evo Morales

i prublêma pió pîS pr un òmen i tâchen quand l é bån ed fèr quall ch'ai pèr a ló Thomas Henry Huxley

i puléttic dla sinésstra i dîSen che pr al nôster pajaiS i én priglûS i puléttic dla dèstra, quî dla dèstra, naturalmänt, i dîSen prezîS di sû colêga dla sinésstra. Mé, int la mî ignuranza, a vrêv sugerîr che, fôrsi, i én priglûS tótt e dû Carl William Brown

i puléttic i dscårren pr i sû parté, e i parté i n én mâi, i n én mâi stè es i n sran mâi in Sbâli Walter Dwight

i puléttic i én dla Zänt che, quand i vàdden un pôc ed lûS in fännd a una galarî, i sèlten fòra e i córren a cunprèr däli ètri galarî John Quinton

i puléttic i én tótt prezîS. I inprumétten ed tirèr só un pånt anc in duv an i é brîSa un fiómm Nikita Khrushchev

i puléttic i n én èter che i camarîr di banchîr Ezra Pound

i puvêta anc indrî i fan al vêrs a chi èter; quî bèle in påns i i ròben Thomas Stearns Eliot

i puvêta i én di òmen ch'i an mantgnó i sû ûc' da fangén Alphonse Daudet

i puvrétt i van ala guèra a cunbâter e a murîr pr i dsnómm, i bajûc e al såurapió ed chi èter Plutarch

i quatrén i én la tatta dla puléttica James A. Unruh

i quatrén i n t fan brîSa guintèr un sgnåuri, mo mo ón ch’an pôl mâi stèr fairum un mumintén Fernando de Rojas

i quî ch'a cgnusän méi i én quî ch'a n avän mâi inparè Luc de Clapiers Marquis de Vauvenargues

i quî ch’i cånten da bån int la vétta i s fan a grètis Claudio Magris

i quî ch’i i stan d intåuren i fan l òmen, brîsa manc ed quant l òmen as fâga i quî ch’i i stan d intåuren Karl Marx

i quî inpusébbil i én pió fâzil di quî difézzil Daniel Barenboim

i quî pió preziûs dla vétta in én brîsa quî ch’a utgnän coi bajûc Albert Einstein

i rangutàn e i babuén i n dscårren brîSa parché, s’i al féssen, chi ômen i mitrénn sóbbit såtta a Sgubèr Antoine Le Grand

i ròben, i masâcren, i fân däl rapén e, con un nómm fèls, i al ciâmen inpair; in ûltum, duv i an fât al deSêrt, i al ciâmen pèS Tacitus

i s an insgnè ed cràdder che quall ch'l é bèl al n à brîSa biSåggn d èser óttil e che quall ch'l é óttil an pôl brîSa èser bèl. A vói fèr da vàdder che quall ch'l é óttil al pôl èser anc bèl Mohandas Karamchad Gandhi

i s ciâmen inzidént chi crémmin fât col mâchin Eduardo Galeano

i sarâf i s arvîSen ai amîg, cunpâgna i lûv ai can George Chapman

i sintîr i s fan a fôrza ed pedghèri in vatta Franz Kafka

i sôld i n pôlen brîSa parturîr di sôld Tommaso d'Aquino

i spezialéssta i én cla Zänt ch'i tåurnen sänpr a fèr i stéss erûr Walter Gropius

i stòric i dîSen däli ufèl druvand di documént, i rumanZîr druvand l’imaginaziån Gonzalo Torrente Ballester

i svézzer i én di fanâtic par la pulizî, i nàtten infénna i quatrén Marcos Vergara Meersohn

i tasmagnàn, ch’i n savêven csa s fóss l adultêri, i én incû una râza dscanzlè William Somerset Maugham

i tirân i én bón ed saltèr fòra da tótt i problêma fòra che da quall pió difézzil: i tirân Winston Churchill

i tradutûr i én cunpâgna i pitûr da ritrât: i pôlen fèr pió bèla la còpia, mo l'à sänper da arviSères al uriginèl Elie Fréron

i tradutûr i én i cavâl da tîr dla cultûra Aleksandr Pushkin

i um gêven che socuànt mûrt i i vlêven par fôrza pr arivèr a un månnd duv an i fóss pió di mazamént Albert Camus

i Zûven i s fan däl’iluSiån só l sô futûr, i vîc’ só l sô pasè Décoly

i Zûven i vrénn di quî ch'i n suzdràn mâi, i vîc' i s arcôrden di fât ch'i n én mâi capitè Hector Hugh Munro

in cal mänter che dåu parsån äli én inSmé dala pió viulänta, Sbalinè e cûrta ed tótti äl pasiån, chi èter i pretànnden ch’äl Zûren d avanzèr par sänper in cla SvarZûra, anormèl e spacamarón fén che la môrt an i sepèra George Bernard Shaw

in dóvv ai brûSa i lîber, ala fén ai brûSa anc la Zänt Heinrich Heine

in duv ai é dimónndi lûS, anc l'ôra l'é pió naigra Johann Wolfgang von Goethe

in duv an i é brîSa l umurîSum an i é gnanc l’umanitè, in duv an i é brîSa l umurîSum ai é al cänp ed conzentramänt Eugène Ionesco

in duv vèt, Îvan? -A vâg a Minsk. -Et dî una buSî! T um dî ch't î drî a andèr a Minsk, par dèrum d'intànnder ch'et vè a Måssca, mo et vè a Minsk da bån. Et dî una buSî! Jorge Luis Borges

in economî, la magiuranza l’à sänper tôrt John Kenneth Galbraith

in fén di cónt, a se stròlga quèl såul con l arcôrd Alphonse Karr

in fén di cónt, an é brîSa la fotografî ch’la m intarèsa. Quall ch’a vói l é captèr una fraziån ed secånnd dla realtè Henri Cartier-Bresson

in generèl, ògni pajaiS l à la längua ch'al s armèrita Jorge Luis Borges

in Itâglia, la gran pèrt di puléttic i n s bâten brîSa par di prugèt, mo par di intarès Indro Montanelli

in puléttica l é un sant da bån quall ch’al ciâpa a Sligamè al pòpol e pò l amâza al pòpol pr al bän dal pòpol Charles Baudelaire

in puléttica, s't vû un quèl détt, dmanda a un ômen. S't vû un quèl fât, dmanda a una dôna Margaret Thatcher

in st’månnd, däl vôlt, biSåggna èser bón ed lutèr, brîSa solamänt sänza pôra, mó anc sänza speranza Sandro Pertini

in tänp ed guèra, la veritè l’é acsé preziåuSa ch’l’arêv sänper d’èser prutèta da una móccia d ufèl Winston Churchill

in teorî al dSvèri stra un fachén e un filôSof l é pió cén dal dSvèri stra un mastén e un levriêr. L’é stè la diviSiån dal lavurîr ch’là scavè un sfundariån stra l ón e cl èter Karl Marx

in tótt al tänp ch’l é pasè mé ai ò visó dimónndi vétt, e a pôs dîr ed sicûr che, dal lè morèl, l ômen, int al säns dl individûv, al n é progredé gnanc un pôc int i ûltum dîS mélla ân Jack London

in tótt i paîS e in tótt i ténp i prît i én sänper stè ustîl ala libartè Thomas Jefferson

in ûltum, a n arän brîSa in amänt äl parôl di nûster nemîg, mo al silänzi di nûster amîg Martin Luther King

in vatta a tótti äl proprietè privè ai é sänper un'ipotêca sozièl Giovanni Paolo II

in zêrti ucaSiån äl parôl catîvi äli én cäl miåuri Anónimo

inamurères l è un quèl da camarîr Gianni Agnelli

inànz ch'arivéssen, al månnd an i amanchèva gnínta; dåpp ch'a srän parté, al månnd an i amancarà gnínta Omar Khayyam

inànz ed canbièr idê, guardèr d avairen bèle ónna Albert Brie

inción al s srà bån ed vgnîrs a scavalózz, se prémma a n arän arbasè äl spâl Martin Luther King

inción al và a vàdder int al diziunèri inànz ed dscårrer Anónimo

inción fà acsé tant mèl, cunpâgna quî ch'và in gîr a fèr dal bän Mandell Creighton

inción l à l dirétt d èser cuntänt da par ló Raoul Follereau

inción l arêv d’avair pió rôba ed qualla ch’ai sêruv par stèr al månnd; tótt al rèst, an inpôrta t èva di dóbbi, l é dal Stèt Benjamin Franklin

inción l é acsé vèc' da dîri ch’l eSâgera s’al spêra ed canpèr almanc un èter dé Lucius Annaeus Seneca

inción òmen padrån da bån dla sô längua al pôl druvèren cum và un'ètra George Bernard Shaw

inción và a Sbraghirèr int äl virtó ardupè ed chi èter Bertrand Russell

inción, pr un bèl pzôl, al pôl fèr da vàdder una fâza a ló e un'ètra ala Zänt, sänza fèr dla cunfuSiån só quèla la pôl èser cla stièta Nathaniel Hawthorne

inciónna dòna la pôl supurtèr un maré ch’al Zûga, fòra che s’al vénz sänper Thomas Dewar

inciónna farósscla ed naiv la câsca mâi int al sît Sbagliè Zen saying

inciónni descriziån povêtichi dla realtè äl prân mâi èser conplêti John David Barrow

incôsa al guanta ridéccuel se ón al pänsa ala môrt Thomas Bernhard

incôsa an vèl ingnìnta, e quall ch’ai avànza al vèl manc León de Greiff

incôsa l é priglåuS. Mo s'an fóss mégga acsé, an varêv brîSa la panna ed stèr al månnd Oscar Wilde

infén a che la guèra la srà cunsiderè un quèl brótt, l'andarà d lóng a atirèr la Zänt. Quand la srà tgnó cme un quèl vulghèr, la dSmitrà d èser populèr Oscar Wilde

infén a ch'ai srà i petròli, an i srà mâi la pès int i paîs dla Maténna d mèz Anónimo

infén adès an i êra mâi stè un Svèri acsé grand stra quî ec lavåura e quî ch'fà i bajûc sänza lavurèr Vandana Shiva

infén che al culåur dla pèl d na parsåNna al srà pió inpurtànt dal culåur di sû ûc', ai srà guèra dapartótt Bob Marley

infén ch’al dûra al dSgósst, la dûra la cåulpa Jorge Luis Borges

inparèr ed dscårrer l é inparèr ed tradûSer Octavio Paz

inparèr un'ètra vôlta a vàdder al månnd: quassta sé ch’l’é filoSofî Maurice Merleau-Ponty

inpièr un sulfanén spassi vôlt al vèl de pió che maledîr al bûr Eleanor Roosevelt

insóggnet, e t srè lébber int al spîrit; lòta, e t srè lébber int la vétta Ernesto Che Guevara

int al capéss an i é gnînta che prémma an séppa stè int i séns San Tommaso d'Aquino

int äl mî stòri d amåur, una vôlta al rimôrs al vgnêva dåpp, adèsa al vén prémma Ennio Flaiano

int al mumänt che la Zänt i se dmànden al säns e al valåur dla vétta, i én amalè Sigmund Freud

int äl partîd dimónndi inpurtanti, al stîl, e brîSa la sinzeritè, l é l quèl pió eSenzièl Oscar Wilde

int äl quistiån ed cunsénzia, la laZZ dla magiuranza la n i pôl brîSa intrèr Mohandas Karamchad Gandhi

int i canp ed cunzentramänt a vivêven minûd dåpp minûd es avêven da pinsèr al manc pusébbil, parché pinsèr l é frustères Haïm-Vidal Sephiha

int i cruSî pió inpurtànt dla vétta an i é inción cartèl Ernest Hemingway

int i indivîduv la matîSia la s vadd cèri vôlt, mo int i grópp, i parté, äl naziån e äli êpoc l'é la raigla Friedrich Wilhelm Nietzsche

int i òmen an fà brîsa pòra al vézzi, parché ai fà dvintèr sêruv; la virtó invêzi sé, parché la i fà dvintèr padrón Diego de Saavedra Fajardo

int i quî inpurtànt la Zänt i s fän vàdder int la manîra ch’ai cunvén, int i quî da gnínt i s fän vàdder cum i én Nicolas de Chamfort

int i Stèt Uné tótt i ân i tran só pió parSån che scôl e culêg' Jesús Sepúlveda

int inciónni längv l é acsé difézzil intànndres, cunpâgn a int la sô Karl Kraus

int la comunicaziån, al quèl ch'al cånta de pió l é sénter tótt i quî che la Zänt i n dîSen brîSa Peter Drucker

int la lôta stra té e al månnd, t è da stèr dala banda dal månnd Frank Zappa

int la panza ed sô mèder, al zarvèl al n à inciónni idê Maurice Blanchot

int la publizitè ai é l’ónnica veritè fidè d un giurnèl Thomas Jefferson

int la vétta an i é gnínta d’avair pôra, ai é incôsa da capîr Marie Curie

int la vétta as supôrta incôsa, fòra che una sfîlza d dé d felizitè ininteråtta Johann Wolfgang von Goethe

int la vétta, cunpâgna in tranvâi, quand t et métt a sêder t î bèle ala fén dal viâZ Camillo Sbarbaro

int la vétta, un ômen al pôl canbièr mujêr, parté puléttic o religiån, mo mâi la sô scuèdra ed fóttbal Eduardo Galeano

int l'archeologî a se dscrûv quall ch'an s cgnóss brîSa. Int la diplumazî as crûv quall ch'as cgnóss Thomas Pickering

int l'educaziån as dezîd se a vlän bän ai nûster fiû in manîra d an cazèri fôra dal nôster månnd e lasèri da par låur, in manîra d an strapèri d'in man la sô ucaSiån ed tachèr a fèr quèl ed nôv, un quèl che nó a n i arên mâi pinsè; e preparèri, invêzi, a méttr a nôv un månnd in duv ai starän tótt quant Hannah Arendt

int l'esänza, la cariaziån di bajûc dal gnínta ch'äl fan äl banc, l'é prezîSa ala fabricaziån däl munaid dai falsèri, con l'ónnica diferänza di benefizèri Maurice Allais

int na zitè, an t pièS brîSa äl såu sèt o stantasèt maravai, mo l'arspòsta ch'la dà a una tô dmanda Italo Calvino

int un òmen, al quèl pió prufånnd l é la sô pèl Paul Valéry

int un'êpoca ed matîSia, cràdder d an èser bSa mât l é matîSia Saul Bellow

intêrpret: quall ch'fà in manîra che dåu parsån ch'äl dscårren dåu längv difaränti äl s intànnden, turnànd a dîr a scadagnón quall ch'ai arêv fat còmed ch'i avéssen détt Ambrose Bierce

invêzi ed dscanzlèr i sgnåuri, l é méi dscanzlèr i puvrétt George Bernard Shaw