taal is dalk ’n verwringende spieël, maar dis die enigste spieël wat ons het
|
taal is die vel van die siel
|
taal is gewoon die redusering van denke tot sy eenvoudigste vorm
|
taal is nie die omhulsel van 'n gedagte nie, maar die gedagte self
|
taal is veel rusteloser as die lewe
|
taal is 'n vel: ek vryf my taal teen die ander
|
taal is ’n anonieme, kollektiewe en onbewuste kuns, die resultaat van die kreatiwiteit van duisende geslagte
|
taal is ’n teken, die belangrikste teken van ons menslikheid
|
taal is ’n versameling waarvan elke spreker ’n gedeelte besit
|
taalarmoede het ‘n verswakkende uitwerking: daardeur ontstaan die risiko dat ons slawe kan word van ander mense se idees
|
taalgebruik is die beste taalonderwyser
|
taktvolheid by vermetelheid is om te weet in watter mate ’n mens te ver kan gaan
|
tale, nes godsdienste, lewe van ketterye
|
te veel van wat 'onderwys' genoem word is weinig meer as 'n duur afsondering van die werklikheid
|
televisie genereer vergetelheid, films skep herinnerings
|
televisie het baie gedoen vir psigiatrie, sowel deur inligting daaroor te versprei as by te dra tot die noodsaaklikheid daarvoor
|
televisie is die eerste werklik demokratiese kultuur – die eerste kultuur wat vir almal toeganklik is en ten volle gerig op wat die mense begeer. Die verskriklikste daarvan is wat die mense wil hê
|
televisie is die spieël waarin die ondergang van ons hele kulturele sisteem weerspieël word
|
televisie is interessanter as mense. As dit nie so was nie, sou ons mense in die hoeke van ons kamers gehad het
|
televisie is so sterk soos ’n leeu, televisie vrees niemand nie en televisie laat jou soos ’n idioot aan die slaap raak
|
televisie is 'n uitvindsel wat jou in staat stel om vermaak te word in jou gesinskamer deur mense wat jy nie in jou huis sou toelaat nie
|
telkens as ek ’n grootmens op ’n fiets sien, verdwyn my wanhoop in die menslike ras
|
telkens wanneer mense met my saamstem, voel ek dat ek verkeerd moet wees
|
ten slotte is dit nie die foto self wat my interesseer nie. Ek wil slegs ’n fraksie van ’n sekonde van die werklikheid vaslê
|
terwyl daar olie in die Midde-Ooste is, sal daar nie vrede wees nie.
|
terwyl ek gedink het ek was besig om te leer lewe, het ek eintlik geleer om dood te gaan
|
terwyl ek nie omgegee het om gebore te word nie, gee ek ook nie om om te sterwe nie
|
terwyl jy iets het, kan dit van jou weggeneem word. Maar wanneer jy dit weggee, het jy dit gegee, en geen dief kan jou daarvan beroof nie. Dit sal dan altyd joune wees
|
toe die sendelinge hier aangekom het, het die Afrikane die grond gehad en die sendelinge die Bybel. Hulle het ons geleer om met toe oë te bid. Toe ons hulle oopmaak, het hulle die grond gehad en ons die Bybel
|
toe dr. Johnson patriotisme gedefinieer het as die laaste toevlug van ’n skurk, was hy onbewus van die enorme moontlikhede van die woord 'hervorming'
|
toe ek jonger was, kon ek alles onthou, of dit nou gebeur het of nie
|
toe ek kos aan die armes gegee het, het hulle my ’n heilige genoem. Toe ek vra waarom die armes niks het om te eet nie, het hulle my ’n kommunis genoem
|
toe ek ’n seun was, het hulle vir my gesê dat enigiemand president kon word. Ek begin dit nou glo
|
toe het vooruitgang gekom en alles vernietig, selfs meer as die oorlog; want terwyl die oorlog ons eiendom vernietig het, het vooruitgang ons lewenswyse vernietig
|
toename in wysheid kan akkuraat gemeet word aan die ooreenstemmende afname in woede
|
toerisme is om baie ver te reis op soek na die begeerte om huis toe te gaan
|
tolk: iemand wat twee persone van verskillende tale in staat stel om mekaar te verstaan deur teenoor elkeen te herhaal wat vir die tolk voordelig sou gewees het as die ander party dit sou gesê het
|
topklasjoernalistiek kan en moet elke hand byt wat dit probeer voed
|
totdat die kleur van ’n mens se vel niks meer beteken as die kleur van sy oë nie sal daar oral oorlog wees
|
trane is druppels afkomstig van ’n bevrore siel wat smelt
|
twee dinge verstom my: die intelligensie van die dier en die dierlikheid van die mens
|
twyfel in onaangenaam, maar sekerheid is belaglik
|
twyfel is een van die benamings van intelligensie
|
tyd is die beste outeur. Hy skryf altyd die volmaakte einde
|
tyd is die enigste ding wat jy nie kan teruggee nie
|
tyd is die heel belangrikste ding, want dis in werklikheid 'n pseudoniem vir die lewe self
|
